Узорная студыя эстраднага вакалу “КЛИО” – гэта калектыў таленавітых, працалюбівых, творчых дзяцей, якія ўкладваюць у сваю справу ўсю душу і выконваюць яе на прафесійным узроўні. Аматарская студыя эстраднага вакалу “КЛИО” сінтэзуе ў сабе не толькі заняткі вакалам, але і навучанне сцэнічнасці, вобразнасці ўнутранага бачання, акцёрскаму майстэрству, а таксама развіццю здольнасці гарманічна спалучаць голас і пластыку ў выкананні вакальных сольных і ансамблевых твораў. У рэпертуары салістаў студыі “КЛИО” самыя разнапланавыя творы. Творчыя работы адрозніваюцца яркімі сцэнічнымі вобразамі, тэматычнай разнастайнасцю, арыгінальнасцю мастацкага рашэння. Разнапланавы рэпертуар калектыва студыі рэгулярна папаўняецца новымі творамі, расце ўзровень выканаўчага майстэрства яго ўдзельнікаў. Навучэнцы студыі з’яўляюцца пастаяннымі ўдзельнікамі ўсіх гарадскіх, раённых, абласных, рэспубліканскіх мерапрыемстваў і свят, якія праходзяць у раёне і па-за яго межамі, да іх калектыў рыхтуе разнапланавыя творчыя праграмы. Дзякуючы прафесіяналізму і творчым намаганням мастацкага кіраўніка студыі салісты з’яўляюцца лаўрэатамі, дыпламантамі і пераможцамі шматлікіх абласных, рэспубліканскіх і міжнародных вакальных конкурсаў, фестывалей, алімпіяд.